ابوذيات لاهل البيت و أولادهم (ع) روووووعة

السلام عليكم هذه قصيدة لاهل البيت عليهم السلام و اولادهم المعصومين

ما يوم روض الوفة من الورود احمد
و الي مشه بخير واجب عليه احمد
حبي و ودادي لنبينا المصطفى احمد

دايم يضل متصل ياربي اشهد علًي
ضل يقسي بية الدهر و يزيد ضيمة علي
ما اترك آنة الولي و ابقى بولاية علي

بستنان حيدر زهة هاك انضر الزهرة
و الي يذبلي زهر ما اهم انة الزهرة (الزهر:السم)
مضلومة طول العمر اندبج يالزهرة

حب الزكية عمل ما يصح منة احسن
بعروقي ماي الوفة من فيض ودهم حسن
عد يا مرة معدلة مثل الامام الحسن

الحنضل الودهم عسل يشفافي بيه لحسين
بحب ال طه ارتقي من احسن الاحسين
نيالة كلمن خادم صبح صدك لحسين

الي ضدهم هلك لو عمرة ضل سجاد
الشيعتهم انة فرشت جفن النضر سجاد
منك عرفت الصبر يا سيدي السجاد

عود الصبح للملة بين الامم باقر
يستقي منة العلم و بطنة العلم باقر
ارسل سلام النبي لمحمد الباقر

اهل الذكر نهجهم اخذو عليه صادق
ما عدهم ابدا زلك كل قولهم صادق
جعفري انة وهلي و امامي الصادق

ضل يبرد شفرته دهري و يحد موسه
عاشق و عشقي شرك جن العشق موسه
الحاجتك يا من ردت صد وجهك لموسى

وكل من قصد حضرته بالخير رد و الرضه
انحطم بعظم اليرد و انكسرة و انرضه
بالكاضم انة قسمت يا سامعي و الرضه

حبهم الروحي درع بيه المخاطر تقي
البايع ال النبي محسوب هذة تقي
يا مذهب امامهم كلة جواد و تقي

مذهب الشيعة صبح للغانمة هادي
مهجتي و روحي فدة و بلا ثمن هادي
سيرتي هاي انة من سيدي الهادي

عسكري بصدر الشعر وك يا زمن عسكري
بجند لبني فاطمة اقضي العمر عسكري
لمن يهل بالنصر ابنك ياهل عسكري

المسمي باسم النبي مهدي الامم احمد.

عدد الرسائل : 4 تاريخ التسجيل : 19/09/2008

يسلمووووووووووووووووو روعة روعة