هذا ابو السجاد اليوافي خطاره

أحتار بيك الوصف

لمن اوصفك

وأرتجف حتى القلم

من يجي طاريك

بس الدمع ما نضب

من يمر أسمك

لان الدمع مخلوق

لاجلك ولمآسيك

******
أرتحلن سيدي كل

العبارات

لاجلمه ولا حرف

خطيت

ألهمني.......انت الوصف

ياسيد الناس

حتى احضه بحلاوة

معانيك

ما تسعفني كل العبارات

لان انته اكبر واسمه

من اكتب اني عليك

*******
بس كلمه وحده

ارد اوصلهه

ان حبك بكَلبي يفور

وما تطفه ناره

لان انت الغرام

وانت اسراره

وأنت عنوان العشق

وانت القاموس

ومن عندك ألهام

الكلام ومنك اخباره

احنه اليوم عندك خطار

وانت ابو السجاد

اليوافي خطاره

وانت ابو السجاد

التوافي خطارك

يبشرهم بدنيا وآخره

وجنه وشفاعه

ويامحلاها للموالين

من بشاره

يامحلاها للموالين

من بشاره